Sumqayıtın girişində yerləşən avtovağzal kompleksi baxımsız vəziyyətdədir.
Sumqayit24.az-a müraciət edən sakin bildirib ki, Bakıdan sonra əhali sayına görə ən böyük ikinci şəhərdə belə problemin olması təəssüf doğurur.
"Avtovağzal şəhərin demək olar ki, düz girişində yerləşir. Kompleksin həm önü, həm daxili pis gündədir. Yağış yağan kimi hər yer palçıq olur, piyadalar çətinlik çəkirlər. Avtobusların dayanma zonasında isə asfalt örtüyü çatlayıb, səthdə dalğavari nahamarlıqlar yaranıb.
Turistləri beləmi qarşılayaq?! İldən-ilə turist axını artan Sumqayıtın belə mənzərə ilə yadda qalması şəhər adına yaraşmır və problemin aradan qaldırılması üçün aidiyyəti qurumlar təcili tədbir görməlidir", - deyə şikayətçi bildirib.
