Ermənistan silahlı qüvvələri tərəfindən 2020-ci il oktyabrın 17-də Gəncənin raket atəşinə tutulması nəticəsində həlak olan sumqayıtlının doğum günüdür.
Xəlilli Orxan Qoşqar oğlu 2009-cu il aprelin 29-da Sumqayıt şəhərində doğulub. 2014-cü ildə Sumqayıt şəhər 28 nömrəli tam orta məktəbə daxil olub. 2017-ci ildən isə Gəncə şəhərinə köçərək 29 nömrəli tam orta məktəbdə təhsilini davam etdirib.
Xəlilli Orxan Ermənistan silahlı qüvvəllərinin Gəncəni 5-ci dəfə raket atəşinə tutması nəticəsində anası Qəhrəmanova Xatirə, bacısı Xəlilli Məryəm və yaxın qohumu Qəhrəmanova Ləman ilə birlikdə həlak olub.
Azərbaycan Respublikası Nazirlər Kabinetinin 1994-cü il 15 yanvar tarixli 10 nömrəli Qərarı ilə təsdiq edilmiş "Şəhid adının əbədiləşdirilməsi və şəhid ailələrinə edilən güzəştlərin tətbiqi qaydaları"nda dəyişiklik edilməsi barədə Azərbaycan Respublikasının Nazirlər Kabinetinin 20 noyabr 2020-ci il tarixli Qərarına əsasən Xəlilli Orxan Qoşqar oğluna şəhid statusu verilib.
