Sumqayıtlı model Səmra Hüseynova "TikTok"da canlı yayım zamanı mənzil qiymətlərindən və yeni tikililərin keyfiyyətindən danışıb.
Sumqayit24.az xəbər verir ki, illərdir kirayədə yaşadığını deyən model qazancının ev almağa çatmadığını bildirib. Onun sözlərinə görə, ayda 1000 manat qazanan gənclər kirayə haqqını, ərzaq və digər gündəlik xərcləri ödədikdən sonra ev almaq üçün pul yığmaqda çətinlik çəkirlər. Model dolanışıq xərclərinin gənclərin ailə qurmaq planlarına da təsir etdiyini deyib.
Hüseynova 300–400 min manata, Ağ Şəhərdə isə 500–600 min manata satılan bəzi mənzillərin keyfiyyətindən də gileylənib. Onun sözlərinə görə, hətta yarım milyon manatlıq bəzi mənzillərdə səs izolyasiyası o qədər zəifdir ki, qonşunun fen işə saldığı, hətta tualetə getdiyi də eşidilir.
Model belə bir mənzildə rahat yaşamaq mümkün deyilsə, həmin pula dünya səyahətinə çıxmağı daha məntiqli hesab etdiyini bildirib.
