Bu gün sumqayıtlı şəhidin anım günüdür.
Rəhim Möhübbət oğlu Dadaşov 7 yanvar 2003-cü il tarixdə Sumqayıt şəhərində anadan olub. 2009-2014-cü illərdə Bakı şəhər Nizami rayonu, Ə.Mahmudov adına 220 saylı, 2014-2017-ci illərdə Sumqayıt şəhər 38 saylı və N.Tusi adına 12 saylı tam orta məktəblərdə təhsil alıb.
R.Dadaşovun dayısı Əsədulla Məmmədov Polşada hərbi təhsil alıb və “Artilleriya üzrə motoatıcı” ixtisasına yiyələnmişdi. I Qarabağ müharibəsinin iştirakçısı olan və döyüşlər zamanı yaralanan dayısını Rəhim sual yağışına tutardı. Peşəkar hərbçi isə yeniyetmənin suallarına ətraflı, aramla cavab verərdi. Məhz bundan sonra Rəhimin hərbçi olmaq istəyib.
2017-ci ildə doqquzillik təhsili başa vuran R.Dadaşov yüksək balla Naxçıvanda yerləşən H.Əliyev adına Hərbi Liseyə qəbul olur.
2021-ci il dekabr ayının 22-dən 23-nə keçən gecə gənc əsgər Rəhim Dadaşov postda olur. Bu zaman ermənilərin açdığı snayper atəşinə tuş gələrək, şəhadətə ucalır.
Rəhim Dadaşov 24 dekabr 2021-ci ildə Sumqayıt Şəhidlər Xiyabanında dəfn olunub.
