Bu gün sumqayıtlı şəhidin anım günüdür.
Sumqayit24.az xəbər verir ki, şəhid Emil Əliyev 1993-cü il avqustun 1-i Sumqayıt şəhərində anadan olub.
2000–2011-ci illərdə Tofiq İsmayılov adına 29 saylı tam orta məktəbində təhsil alıb. Həmin ildə Azərbaycan Dövlət Aqrar Universitetinin Energetika fakültəsinə daxil olub. 2015-ci ildə isə həmin universiteti bitirib, müddətli hərbi xidmətə yollanıb. 2016-cı ildə Aprel döyüşlərində iştirak edib və böyük şücaət göstərib.
Emil Əliyev 2020-ci il, sentyabrın 21-i Səfərbərlik tərəfindən könüllü hərbi xidmətə çağrılıb. 27 sentyabr 2020-ci il tarixində isə, İkinci Qarabağ Müharibəsinin iştirakçısı olub. Müxtəlif istiqamətlərdə döyüşlərə qatılan Emil Əliyev, ən son 6 oktyabr 2020-ci il tarixində Füzuli rayonu uğrunda gedən döyüşlərdə qəhramanlıq göstərmiş və şəhidlik zirvəsinə ucalıb.Sumqayıt Şəhidlər Xiyabanında dəfn edilib.
Azərbaycan Respublikasının Prezidenti İlham Əliyevin Sərəncamlarına əsasən, şəhidimiz ölümündən sonra "Xocavəndin azad olunmasına görə", "Füzulinin azad olunmasına görə" və “Vətən uğrunda” medalları ilə təltif edilib.
