Sumqayıtda şəhidin anım mərasimi keçiriləcək.
Sumqayit24.az-a daxil olan məlumata görə, 17 oktyabr saat 12:00-da Vətən müharibəsində həlak olan Vüqar İsmayılovun Şəhidlərin xiyabanındakı məzarı ziyarət olunacaq. Ziyarətdən sonra şəhidimizin evində ehsan süfrəsi açılacaq.
Qeyd edək ki, Vüqar İsmayılov 23 noyabr 1998-ci ildə Sumqayıtda anadan olub. 2004-2015-ci illərdə 28 nömrəli məktəbdə, 2016-2020-ci illərdə isə Bakı Avrasiya Universitetinin Regionşünaslıq və iqtisadiyyat fakültəsinin Regionşünaslıq (ABŞ və Kanada) ixtisası üzrə təhsil alıb. Subay idi. Futbolla maraqlanırdı.
44 günlük müharibədə savaşan İsmayılov 4 oktyabr 2020-ci ildə Suqovuşanda şəhadətə ucalıb. Cənazəsi 13 gün sonra Sumqayıt Şəhidlər xiyabanında torpağa tapşırılıb.
Prezident İlham Əliyevin Sərəncamı ilə o, ölümündən sonra “Vətən uğrunda” medalına layiq görülüb.
