Sumqayıtlı xanım məsul vəzifəyə təyinat alıb.
Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində olan “İnnovasiyalar Mərkəzi”ndə yeni təyinat olub. Məlumata görə, Ləman Əhmədova sözügedən mərkəzin direktoruna müşavir təyin edilib.
Qeyd edək ki, Ləman Əhmədova 4 iyun 1994-cü il tarixində Sumqayıtda anadan olub. O, Böyük Britaniya və Şimali İrlandiya Birləşmiş Krallığının “University of Oxford”-un “Dövlət siyasəti” ixtisası üzrə magistr təqaüdü qazanıb. M.Füzuli adına 15 nömrəli məktəbi bitirdikdən sonra, 2011-ci ildə Azərbaycan Respublikasının Prezidenti yanında Dövlət İdarəçilik Akademiyasının “Politologiya” ixtisasına qəbul olub. Daha sonra 2016-2018-ci illərdə DİA-da “Dünya siyasi prosesləri” ixtisası üzrə magistr dərəcəsi alıb.
L.Əhmədova bu təyinata qədər “ABAD” publik hüquqi şəxsində Dekorativ tətbiqi xalq sənətkarlığı departamentinin müdiri, sonra isə Marketinq, beynəlxalq və ictimaiyyətlə əlaqələr departamentinin rəhbəri kimi çalışıb.
