Sumqayıt Tibb Mərkəzinin (STM) tabeliyindəki 1 nömrəli Xəstəxanasında cərrah mama-ginekoloq Kamalə Məmmədova fəaliyyətə başlayıb.
Sumqayit24.az xəbər verir ki, K. Məmmədova 1976-cı ildə Xaçmaz rayonunda anadan olub.
1993-2000-ci illərdə Azərbaycan Tibb Universitetinin Pediatriya fakültəsində təhsil alıb.
2002-2003-cü illər ərzində İ. M. Seçenov adına Moskva Dövlət Tibb Akademiyasının Mama-Ginekologiya və Perinatologiya Elmi Mərkəzində mama-ginekoloq ixtisası üzrə internatura keçib.
2004-2011-ci illərdə Yevlax Rayon Mərkəzi Xəstəxanasında mama-ginekoloq kimi çalışıb.
2011-2017-ci illərdə həmin tibb müəssisəsində baş həkimin müavini kimi fəaliyyət göstərib.
2017-ci ildən 2024-cü ilin noyabr ayınadək Yevlax Rayon Mərkəzi Xəstəxanasında Ginekologiya və doğum şöbəsinin müdiri işləyib.
2024-cü ilin noyabr ayından Sumqayıt Tibb Mərkəzinin (STM) 1 nömrəli Xəstəxanasının Doğum şöbəsinin cərrah mama-ginekoloqudur.
Məmmədova bu illər ərzində müxtəlif elmi konfranslarda çıxış edib, çoxsaylı tədbirlərə qatılıb və sertifikatlar əldə edib.
