Sumqayıt Dövlət Universitetində (SDU) “Bəyaz Duman” adlı tədbir keçirilib.
Sumqayit24.az xəbər verir ki, tədbir Təbiət Elmləri Fakültəsinin təşkilatçılığı ilə baş tutub. Çıxış edənlər narkomaniya və onun fəsadları, gətirdiyi faciələr barədə məlumat veriblər.
Sonra mövzuya həsr olunan videoçarx nümayiş olunub. Tələbələrin təqdimatında narkomaniya ilə mübarizə və yaratdığı fəsadlardan bəhs edən səhnəcik qurulub.
Sonda gəncləri maraqlandıran suallar cavablandırılıb, mövzu ətrafında müzakirə aparılıb.
