Sumqayıtda qəsdən sağlamlığa ağır zərər vurmada təqsirləndirilən Pərviz Ağayevin barəsindəki hökmdən verilən apellyasiya şikayəti üzrə məhkəmə iclası başa çatıb.
Pravda.az-ın məlumata görə, proses Sumqayıt Apellyasiya Məhkəməsində hakim Rəşadət Ağayevin sədrliyi ilə keçirilib. Qərara əsasən, şikayət təmin edilməyib.
İttihama görə, hadisə ötən il iyun ayında Corat qəsəbəsi ərazisində qeydə alınıb. 34 yaşlı Pərviz Ağayev tanışı, 30 yaşlı Şəhriyar Babayevi mübahisə zamanı bıçaqlayıb. Sonuncu ağır xəsarətlər alıb. Sumqayıt Ağır Cinayətlər Məhkəməsinin hökmü ilə o, 7 il müddətinə azadlıqdan məhrum edilib.
