Sumqayıt Tibb Mərkəzində uzman uroloq Elçin Hacıyev fəaliyyətə başlayıb.
Sumqayit24.az xəbər verir ki, Elçin Hacıyev 1989-cu ildə Ağsu rayonunda anadan olub.
Sumqayıt şəhər 35 nömrəli tam orta məktəbi bitirib.
2007-2013-cü illərdə Azərbaycan Tibb Universitetinin Pediatriya fakültəsində təhsil alıb.
2015-2020-ci illərdə Ankara İldırım Bəyazid Universitetində (AYBU) təhsil alıb və uzman uroloq dərəcəsinə yüksəlib. 2015-2020-ci illərdə Ankara Atatürk Təhsil və Araşdırma Xəstəxanası, həmçinin Ankara Şəhər Xəstəxanasında çalışıb. 2020-2022-ci illərdə İstanbul Birinci Sağlamlıq Qrupu Xəstəxanasında və İlgi xəstəxanasında işləyib.
2022-ci ildən Azərbaycanda özəl hospitalların birində çalışıb.
Hazırda STM-in 1 nömrəli Xəstəxanasının Urologiya şöbəsində çalışır. Bu illər ərzində müxtəlif elmi konfranslarda çıxışlar edib, Türkiyədə çoxsaylı tədbirlərə qatılıb və sertifikatlar əldə edib.
