28 sentyabr 2020-ci il tarixi 44 günlük Vətən müharibəsinin ikinci günüdür. Azərbaycan əsgərinin torpaqlarımızın azadlığı uğrunda savaşı bütün cəbhəboyu davam edib.
Sumqayit24.az xəbər verir ki, rəşadətli Ordumuz 4 il əvvəl bu gün Talış kəndi ətrafındakı əlverişli yüksəklikləri düşməndən azad edib. Ermənistanın hərbi texnikası, o cümlədən 22 tank, 15 "OSA" zenit-raket kompleksi və 18 pilotsuz uçuş aparatını sıradan çıxarıb. Həmçinin 550-dən çox erməni əsgər məhv edilib.
Mənfur düşmənin Tərtər rayonuna vurduğu artilleriya zərbələri nəticəsində 3 mülki şəxs həlak olub, 5 nəfər isə yaralanıb. Ermənistanın bu təxribatları dünya ictimaiyyətinə çatdırılıb.
Prezident İlham Əliyev həmin gün BMT Baş katibi Antonio Quterreş ilə videokonfrans vasitəsilə baş verən təxribatları və Azərbaycanın özünümüdafiə haqqını müzakirə edib.
