Bu gün şəhid Azər Vəfadar oğlu Salmanovun doğum günüdür.
Salmanov Azər 29 aprel 1991-ci ildə Saray qəsəbəsində anadan olub. Saray qəsəbəsi 2 saylı orta məktəbdə təhsil alıb. Evli idi.
Azərbaycan Ordusunun əsgəri olan Azər Salmanov 2020-ci il sentyabrın 27-də başlanan Vətən müharibəsində iştirak edib. Oktyabrın 30-da Qubadlı istiqamətində düşmənin açdığı atəş nəticəsində şəhid olub.
Prezident İlham Əliyevin müvafiq sərəncamlarına əsasən, "Cəbrayılın azad olunmasına görə", "Qubadlının azad olunmasına görə", "Cəsur döyüşçü" və "Vətən uğrunda" medalları ilə təltif olunub.
