Sumqayıt Dövlət Universitetində (SDU) “Təhsil proqramlarında tələbələrin təşəbbüsləri ilə yaşıl bacarıqların inkişafı” mövzusunda master-klas təşkil olunub.
Sumqayıt24 xəbər verir ki, ustad dərsi ali təhsil sahəsində gənclər proqramlarında sosial dəyişiklik və innovasiya pedaqogikası mövzusunda təcrübəli sosial innovator Dr. Adam Jagiello-Rusilovski tərəfindən keçirilib.
Xarici mütəxəssis master-klas zamanı Azərbaycanda COP29 və “Yaşıl dünya naminə həmrəylik ili” çərçivəsində tələbələrin ekoloji maarifləndirmə səviyyəsinin yüksəldilməsi və müvafiq sahələrdə tədqiqatların aparılmasının xüsusi əhəmiyyət kəsb etdiyini bildirib.
O, həmçinin bütün yeni təşəbbüslərin, dəyişikliklərin və inkişafın effektiv olması üçün kommunikasiya və əməkdaşlığın vacibliyindən danışıb. Tədbir həmçinin müvafiq etik məsələlər, müasir dövrdə “yaşıl işlər” və yaşıl bacarıqların qiymətləndirilməsi kimi mövzuları əhatə edib.
İştirakçıları maraqlandıran sualları təlimçi tərəfindən cavablandırılıb.
