Sumqayıt şəhərinin 15-ci məhəlləsində yerləşən yataqxana qəzalı vəziyyətdədir.
Bu şikayətlə Sumqayıt24.az-a yataqxana sakinləri müraciət ediblər. Sakinlərin sözlərinə görə, binanın mətbəx otağında tavan dağılıb-tökülür.
“Burada yaşamaq çox təhlükəlidir. Yataqxana bərbad gündədir. Təkcə mətbəx belə deyil, digər otaqlarda da anoloji vəziyyət hökm sürür. Az qalmışdı, beton başımıza düşsün. Yerdə sıçanlar gəzir. Antisanitariya baş alıb gedir”, - deyə bina sakinləri əlavə ediblər.
Qeyd edək ki, ötən il yataqxananın fasad hissəsində təmir işləri aparılıb.
