Baş Dövlət Yol Polisi İdarəsi hərəkət iştirakçılarına səslənib.
Sumqayit24.az xəbər verir ki, həftəsonu ölkə ərazisində hava şəraitinin güclü külək və yağışla müşahidə olunacaq kəskin dəyişməsi, dağlıq ərazilərdə qar yağması gözlənilir. Qurum xəbərdarlıqla əlaqədar hərəkət iştirakçılarına müraciət edib:
“Yollarda yarana biləcək təhlükələrə qarşı hazırlıqlı olmağı, sürücülərdən sürət həddini minimuma endirməyi, hərəkət zamanı ara məsafəsini normadan artıq saxlamağı, küləkli günlərdə avtomobillərini aşma, qopma ehtimalı yüksək olan obyektlərdən kənarda saxlamağı, xüsusilə qoşqulu, tentli və uzun ölçülü yük avtomobillərinin iştirakı ilə baş verə biləcək qəzaların qarşısının alınması üçün qabaqlayıcı tədbirlər görməyi, avtomobillərin mövsümə uyğun təchizatına xüsusi diqqət ayırmağı xahiş edirik.
Həftəsonuna təsadüf edən qeyri-sabit hava şəraitinin səfərə hazırlaşan sürücülər üçün əlavə çətinliklər yaradacağını vurğulamaqla yanaşı, piyadaları da yollarda diqqətli olmağa çağırırıq”.
