Yenilənib saat: 16:32
"DYP-nin Dövlət Ekoloji Nəzarət Postunun yaxınlığında Yol Patrul Xidməti (YPX) avtomobilinin iştirakı ilə qeydə alınan yol-nəqliyyat hadisəsi dekabrın 31-i saat 14:00-da baş verib".
Bu məlumat Baş Dövlət Yol Polisi İdarəsindən (BDYPİ) verilib.
Qeyd olunub ki, qəza Bakı-Quba yolunun Biləcəri qəsəbəsi ərazisindən keçən hissəsində baş verib:
"YPX-yə məxsus BMW markalı avtomobil maneəyə çırpılıb. Hadisə nəticəsində xəsarət alan və həlak olan yoxdur. Bu, maddi zərərlə nəticələnən yol-nəqliyyat hadisəsidir", - deyə məlumatda bildirilir.
***
Saat: 10:21
Bakı-Sumqayıt yolunda ağır qəza baş verib.
Sumqayit24.az xəbər verir ki, hadisə DYP-nin Dövlət Ekoloji Nəzarət Postunun yaxınlığında qeydə alınıb.
Şahidlərin sözlərinə görə, Yol Patrul Xidmətinə (YPX) məxsus “BMW” markalı avtomobil ilə 10-TM-138 dövlət nömrə nişanlı “BMW” markalı maşın toqquşub.
Qəzanın yüksək sürət səbəbindən baş verdiyi bildirilir. Hadisə zamanı ölən olmayıb. Lakin yaralıların olub-olmaması ilə bağlı hələlik məlumat verilməyib.
