Növbədənkənar parlament seçkilərinin ilkin nəticələrinə əsasən, Səbinə Salmanova seçicilərin 50.9 faiz səsini toplayıb. 45 saylı Sumqayıt dördüncü seçki dairəsindən qalib namizəddir. Sumqayıt24 xəbər verir ki, o, ilk dəfə Milli Məclisə namizədliyini irəli sürüb.
Səbinə Qədir qızı Salmanova 1976-cı ildə Sumqayıt şəhərində anadan olub. Orta təhsilini 1 saylı orta məktəbdə alıb. Daha sonra Bakı Dövlət Universitetində fərqlənmə diplomu ilə təhsilini başa vurub.
2000-ci ildən Azərbaycan Respublikasının Ədliyyə Nazirliyində çalışıb. Burada o, idarə rəisi, baş ədliyyə müşaviri kimi fəaliyyətini davam etdirib. Bu müddət ərzində bir neçə dəfə yüksək mükafatlarla qiymətləndirilib.
2020-ci ildə Azərbaycan Respublikası Prezidentinin Administrasiyasının Siyasi partiyalar və qanunvericilik hakimiyyəti ilə əlaqələr şöbəsinin Siyasi partiyalarla iş sektorunun müdiri vəzifəsini təyin olunub.
