Sumqayıt Dövlət Dram Teatrında “Missiya” tamaşasının səhnə təqdimatı davam edir. Sumqayıt24 bu barədə 5 dekabr tarixində Azərtac-a istinadən xəbər verir.
Zəfər Gününə həsr olunan tamaşanı yazıçı-dramaturq Hafiz Ataxanlı qələmə alıb. Yaxın tariximizin qəhrəmanlıq səhifəsi olan səhnə əsərinə teatrın baş rejissoru, Xalq artisti Firudin Məhərrəmov quruluş verib.
Bədii tərtibatı Elşən Sərxanoğluna, musiqi tərtibatı sənətşünaslıq üzrə fəlsəfə doktoru Telman Qəniyevə məxsus olan tamaşanın icraçı rəssamı Nizami Dadaşovdur.
Obrazları Əməkdar artistlər Rauf Ağakişiyev, İlahə Səfərova, aktyorlar Şəmistan Süleymanlı, Məryəm Hüseynlı və başqaları canlandırırlar.
