Sumqayıtda 2024/2025-ci tədris ili üzrə buraxılış və qəbul imtahanlarında yüksək nəticə əldə etmiş gənclərlə görüş keçirilib.
Sumqayıt24 xəbər verir ki, görüşdə çıxış edən şəhər rəhbəri Zakir Fərəcov tələbə adını qazanan gəncləri təbrik edib. Abşeron-Xızı Regional Təhsil İdarəsinin müdiri İlhamə Abdullayeva bildirib ki, bu il Sumqayıt şəhərində orta məktəbi bitirən məzunlardan 243-ü 600 baldan yuxarı, onlardan 17 nəfəri isə 680-dən yuxarı bal toplayıb.
Sonda tələbələrə qiymətli xatirə hədiyyələri təqdim edilib.
