Sumqayıt şəhəri, 12-ci mikrorayonda su problemi mövcuddur. Bu barədə 2 noyabr tarixində Sumqayıt24 xəbər verir.
Bəhs etdiyimiz məsələdən ən çox 5a binasında yaşayan sakinlər əziyyət çəkirlər. Belə ki, evin iki blokunu su ilə təmin edən boruların istismar müddəti başa çatıb. Nəticədə onlar tez-tez partlayır və həyəti su basır.
“Azərsu” ASC-nin mətbuat xidməti və ictimaiyyətlə əlaqələr şöbəsinin rəhbəri Anar Cəbrayıllı RealTV-yə açıqlama verib. O bildirib ki, borunun istismara yararsız hissələri tamamilə yenidən qurulub:
“Gələcəkdə də həmin ərazidə bütün bərpa işləri həyata keçiriləcək”.
