Sumqayıt şəhəri 48-ci məhəllə ərazisində piyadalar səki ilə hərəkət edə bilmir. Sumqayıt24-ə bu haqda bu gün, 2 aprel tarixində məlumat daxil olub.
Problem ev 1-in önündə yaranıb. Sakinlərin təqdim etdiyi fotomateriallarda görünür ki, səki pis vəziyyətdədir. Bundan əlavə, onun üzərində avtomobillər də parklanır. Bu səbəbdən piyadalar avtomobil yolu ilə hərəkət etməli olurlar.
Sakinlərin sözlərinə görə, yaxınlıqda 41 nömrəli məktəb yerləşir və sözügedən məsələ səbəbindən balaca şagirdlər təhlükə ilə üzləşir.
