Sumqayıt şəhəri həm də istedadlı uşaqları ilə seçilir.
Sumqayit24.az-a daxil olan məlumata görə, belə uşaqlardan biri də 6 dil bilən 14 yaşlı Barış Abbaslıdır.
11 nömrəli məktəbin 9-cu sinif şagirdi olan Barış öz dilimizlə yanaşı rus, ingilis, fransız, türk, italyan dillərində danışmağı bacarır.
O, akademik, idman və məktəbdənkənar fəaliyyətlərdə göstərdiyi uğurlara görə çoxsaylı sertifikat və medallarla təltif edilib.
Qeyd edək ki, bu nailiyyətləri əlavə müəllim və ya kurs olmadan, öz səyi, intizamı və məsuliyyəti sayəsində əldə edib.
Bundan əlavə, o 8 ildir futbolla məşğuldur, şahmat üzrə dərəcəsi də var. Həmçinin, olimpiada və bilik yarışlarında uğurlu nəticələr əldə edib.
Bununla yanaşı, ingilis dili üzrə IELTS və Cambridge imtahanlarında yüksək nəticələr göstərib.
