“Azərsu” ASC-nin əməkdaşları Sumqayıtda təmizlik işləri aparırlar. Bu barədə 22 oktyabr tarixində qurumun saytına istinadən xəbər veririk.
İşlər şəhər ərazisində subasma riskləri olan nöqtələrdə görülür. Tullantı su sistemlərinin istismar vəziyyəti öyrənilir, kollektorlar və xətlərə toplanmış bərk tullantıların texnika vasitəsilə təmizlənməsi həyata keçirilir.
Eyni zamanda, kanalizasiya nasos stansiyalarının istismar vəziyyəti yoxlanılır, nasoslarda və digər hidrotexniki qurğularda sazlama işləri aparılır. Məqsəd payız-qış mövsümünə hazırlıqdır.
