Bakıda baş vermiş güclü yanğın zamanı həyatını itirən sumqayıtlının səs yazısı yayılıb.
Belə ki, bir neçə gün əvvəl Yasamalda baş verən və 3 nəfərin ölümü, 27 nəfərin xəsarət alması ilə nəticələnən yanğınla bağlı mübahisələr davam edir. Sakinlər baş verən faciəyə görə binadakı obyektin sahibi və icarədarını - "Loft" restoranının rəhbərliyini günahlandırır.
Yanğında həlak olan binanın komendantı, sumqayıtlı Samir Məhəmmədov hadisədən bir müddət öncə, noyabrın 11-i Bakupost.az-a müraciət edərək, zirzəminin qanunsuz satıldığını və həmin sahədə "Loft" restoranının saxta sənədlərlə fəaliyyət göstərdiyini bildirmiş və müxtəlif sənədlər təqdim etmişdi. Lakin qarşı tərəflərlə əlaqə saxlamaq cəhdləri baş tutmadığı üçün materialın yayılması yubanıb.
Sözügedən səs yazısını təqdim edirik.
