Corat qəsəbəsinin bir hissəsində kanalizasiya xətti mövcud deyil. Sumqayıt24 bu haqda 9 iyun tarixində ApaTV-yə istinadən xəbər verir.
Bu problem 2-ci məhəllənin Əliağa Vahid küçəsində yaşayan sakinlərinə çətinlik yaradır. İnsanlar həyətlərdə quyu qazıb, çirkab suları ora axıdır. Bu səbəbdən ərazini üfunət qoxusu bürüyüb, antisanitar vəziyyət yaranıb.
Novxanı Bağlar Sukanal İdarəsindən bununla bağlı bildirilib ki, hazırda layihə hazırlanır və gələcəkdə yaranmış kanalizasiya problemi aradan qaldırılacaq.
Həmçinin küçə işıqları idarəsinin əməkdaşları tərəfindən burada olan işıqlandırma problemi həll edilib.
