Sumqayıt şəhərinin 10-cu mikrorayonunda olan yolların təmirə ehtiyacı var. Bu haqda bu gün, 1 fevral tarixində Sumqayıt24 məlumat verir.
Aldığımız məlumata əsasən, mikrorayonun “Gold Qayalı” marketindən “Eloğlu” şadlıq sarayına kimi olan küçədə asfalt örtüyü uzun illərdir yenilənmir. Yolun bir hissəsində isə örtük tamamilə yoxdur. Burada çoxlu sayda çuxur yaranıb.
“Mağazadan çıxıb evə rahat gedə bilmirik. Yol, gördüyünüz kimi, dağılıb. Yağış yağanda isə burada keçilməz gölməçələr yaranır”, - deyə sakin bildirib. [modula id="9037"]
