H.Z. Tağıyev - Sumqayıt avtomobil yolunda son tamamlanma işləri aparılır. Sumqayıt24 bu barədə 25 noyabr tarixində Azərbaycan Avtomobil Yolları Dövlət Agentliyinə istinadən xəbər verir.
Avtomobil yolunun 4 zolağa genişləndirilməsi istiqamətində aparılan tikinti işləri artıq yekunlaşıb.
Hazırda:
- üfüqi nişanlanma xətlərinin çəkilişi;
- zəruri yol nişanlarının və təhlükəsizlik sədlərinin quraşdırılması;
- çiyin hissələrinin bərkidilməsi işləri aparılır.
Görülən işlər çərçivəsində:
- marşrut boyu geriyə dönmə hissələrinin;
- yolun yaşayış məntəqəsi daxilindən keçən hissəsində piyada səkilərinin;
- işıqlandırma sisteminin yaradılması işləri aparılıb.
Sözügedən yolun 3,8-ci kilometrində yerüstü piyada keçidi inşa edilib. Yaxın günlərdə avtomobil yolu tam olaraq vətəndaşların istifadəsinə veriləcək.
