Sumqayıtdan Bakıya işləyən 500, 503, 694 və 695 nömrəli marşrutlarda ödəniş yalnız "Bakı Kart"la mümkündür.
Sumqayit24.az-a müraciət edən sərnişinlər deyirlər ki, karta balans yükləmək üçün aparat tapmaq demək olar ki, mümkün deyil.
Şikayətçilərin sözlərinə görə, şəhərdə cəmi bir neçə "MilliÖn" aparatında balansı artırmaq funksiyası var, onların da çoxu ya işləmir, ya da ümumiyyətlə kartı tanımır:
"Kartların nə satış nöqtəsi, nə də yetərli sayda dolum yeri var. Nəticədə insanlar avtobusun qapısından qayıdır və ya məcbur olub Bakıya gedib orada balans artırırlar".
Sakinlər məsələni tez bir zamanda həll etməyi tələb edirlər.
