Sumqayıt şəhərinin Bulvar küçəsində yaşayan sakinlər nəqliyyat problemindən təngə gəliblər.
Sumqayit24.az xəbər verir ki, MİDA yaşayış kompleksindən "Mirvari City" yaşayış kompleksinə qədər olan ərazidə dayanacaqların olmaması ciddi narahatlıq doğurur.
İnsanlar küləkli və yağışlı günlərdə avtobusları açıq havada gözləməli olurlar.
Sakinlərin sözlərinə görə, sözügedən istiqamətdə nə dayanacaq quraşdırılıb, nə də avtobusların hərəkət qrafiki düzgün tənzimlənib. Bu da xüsusilə səhər və axşam saatlarında böyük çətinlik yaradır.
Məsələ ilə bağlı sakinlər Sumqayıt Şəhər İcra Hakimiyyəti və Nəqliyyat Agentliyindən vəziyyətin araşdırılmasını, həll edilməsini tələb edirlər.
