Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyeva sumqayıtlı şəhid Tərlan Məmmədovun ailəsini ziyarət edib.
Sumqayit24.az xəbər verir ki, bu barədə Leyla Əliyeva sosial şəbəkə hesabında paylaşım edib.
Qeyd edək ki, Tərlan Məmmədov 31 avqust 1996-cı ildə Sumqayıt şəhərində anadan olub.
2020-ci il sentyabrın 27-də başlayan 44 günlük Vətən müharibəsi zamanı Füzulinin azadlığı uğrunda gedən döyüşlərdə savaşıb. Oktyabrın 8-də Füzuli döyüşləri zamanı şəhid olub. Abşeron rayonunun Saray qəsəbəsində dəfn olunub.
Prezident İlham Əliyevin Sərəncamlarına əsasən, ölümündən sonra Tərlan Məmmədov "Vətən uğrunda", "Füzulinin azad olunmasına görə" medalları ilə təltif edilib.
