Leysan xarakterli yağışlar Sumqayıt küçələrini keçilməz hala salıb. Sumqayıt24-ə bu haqda 25 may tarixində oxucular xəbər verib.
Məlumata görə, şəhərin demək olar bütün məhəllə və küçələrini su basıb. Bu səbəbdən, səhər saatlarında dərsə və işə gedənlər çətinlik ilə qarşılaşıb.
“Uşaqlar dərsə gedəndə üst-başları su olur. Azərbaycanın 2-ci ən iri şəhərində yaşayırıq. Lakin hər yağış yağanda, yollar ucqar dağ kəndinin yollarından heç fərqlənmir”, - 51-ci məhəllə sakinləri bildirib.
