Ədliyyə Nazirliyinin rayon (şəhər) qeydiyyat şöbələri tərəfindən cari ilin 9 ayı ərzində 36332 nikah və 15480 boşanma halları qeydə alınıb.
Sumqayit24.az xəbər verir ki, bu barədə Dövlət Statistika Komitəsi məlumat yayıb.
Bildirilib ki, bu göstərici ötən ilin müvafiq dövrü ilə müqayisədə əhalinin hər 1000 nəfərinə nikahların sayı azalaraq 4,8-dən 4,7- yə, boşanmaların sayı isə 2,1-dən 2,0-a düşüb.
Nikaha daxilolma səviyyəsi Şərqi Zəngəzur (5,8), Qarabağ (5,7), Dağlıq Şirvan və Lənkəran-Astara (5,2), Bakı, Quba-Xaçmaz və Mərkəzi Aran (4,8) iqtisadi rayonlarında ölkə göstəricisindən (4,7) yüksək olub. 2025-ci ilin yanvar-sentyabr ayları ərzində Daxili İşlər Nazirliyi və Dövlət Miqrasiya Xidmətinin müvafiq qurumları tərəfindən daimi yaşamaq üçün Azərbaycana 2521 nəfər gələn, Azərbaycandan isə 1564 nəfər gedən qeydə alınıb, ölkə üzrə miqrasiya saldosu müsbət 957 nəfər təşkil edib.
