Novxanı-Saray yolunda işıqlandırma problemi avtomobillərin hərəkətini ciddi şəkildə çətinləşdirir.
Sumqayit24.az-a daxil olan məlumata görə, yol boyu işıq dirəkləri mövcud olsa da, lakin işıqlandırma yoxdur. Bu isə xüsusilə qaranlıq havalarda avtomobil idarə edən sürücülər üçün təhlükəli vəziyyət yaradır.
Sürücülərin sözlərinə görə, gecə vaxtı yolun əksər hissəsində görünmə minimuma düşür, bu isə qəza riskini artırır. Həmçinin, işıqlandırmanın olmaması piyadalar üçün də ayrıca təhlükə yaradır.
Sakinlər və sürücülər aidiyyəti qurumlardan əraziyə baxış keçirilməsini və bu problemin tezliklə həll edilməsini tələb edirlər.
