Novxanı qəsəbəsi, İlqar Abdullayev küçəsində yaşayan sakinlər ərazidə piyada keçidinin olmamasından şikayət edirlər.
Onlar bildirirlər ki, piyada keçidinin və xəbərdaredici nişanların olmaması nəticəsində bir neçə nəfər avtomobil vurması səbəbindən həyatını itirib. Bu səbəbdən sakinlər sözügedən yolu "ölüm yolu" adlandırırlar.
Bundan əlavə, vətəndaşlar sözügedən ərazinin kanalizasiya sistemindən narazıdırlar.
"Yolları tez-tez su basır, ərazidə hərəkət etmək olmur", - deyə şikayətçi qeyd edib.
Xan Şuşinski küçəsində yaşayan sakinlər isə qaz təchizatında ciddi problemlərin olduğunu deyirlər:
"Gecə saat 1-də qaz verirlər. Əlacsızlıqdan odun peçindən istifadə edirik".
Bir sözlə, vətəndaşlar sadalanan probleminin aradan qaldırılmasını tələb edirlər.
Ətraflı Baku Tv-nin süjetində.
