Corat qəsəbəsindəki problem yerli sakinləri boğaza yığıb.
Sumqayit24.az-a daxil olan məlumata görə, Şaban Babaoğlu küçəsində işıqlandırma olmadığı üçün gecə saatlarında ərazi tamamilə qaranlığa qərq olur. Bu vəziyyət gecə vaxtı gediş-gəlişi çətinləşdirir, həm piyadalar, həm də sürücülər üçün təhlükə yaradır.
Sakinlərin məlumatına əsasən, küçədə yollar baxımsız vəziyyətdədir. Bundan əlavə, su borularında yaranan nasazlıq səbəbindən tez-tez əraziyə su axır ki, bu da yolun daha da sıradan çıxmasına gətirib çıxarır.
Sakinlər mövcud problemlərin aradan qaldırılması üçün aidiyyəti qurumlara müraciət edərək, məsələyə təcili baxılmasını tələb edirlər.
