Ötən gün axşam saatlarında Novxanı–Pirşağı yolunda baş verən ağır yol-nəqliyyat hadisəsi nəticəsində həlak olan Sumqayıt Ağır Cinayətlər Məhkəməsinin hakimi Aynur Rzayeva vəzifəli şəxsin xanımı imiş.
Sumqayit24.az-a daxil olan məlumata görə, hakimin həyat yoldaşı Ceyhun Hümbətov Bakı Şəhər Prokurorluğunda idarə rəisi vəzifəsində çalışır. O, Bakı Şəhər Prokurorluğunun Daxili işlər orqanlarının istintaq, təhqiqat və əməliyyat-axtarış fəaliyyətində qanunların icrasına nəzarət idarəsinə rəhbərlik edir.
Qeyd edək ki, C.Hümbətov daha əvvəl baş prokuror Kamran Əliyevin köməkçisi vəzifəsində də çalışıb.
Mərhumun iki məktəbli övladı yadigar qalıb. Belə ki, qız övladı 5-ci sinifdə, oğlu isə 2-ci sinifdə təhsil alır.
Aynur Rzayeva bu gün Suraxanı rayonu, Dədə Qorqud qəsəbəsində dəfn ediləcək.
