Yenilənib saat 15:37
Səhər saatlarında baş vermiş yol çökməsi ilə bağlı “Azərsu” ASC açıqlama verib. Bu haqda bu gün, 27 may tarixində Oxu.az-a istinadən xəbər veririk.
“Qəza ilə bağlı daxil olan müraciət əsasında əraziyə qurumun Sumqayıt Su Kanal İdarəsinin qəza xidmətinin əməkdaşları cəlb edilib. Ərazidə zəruri təhlükəsizlik tədbirləri görülüb. Sovet dövründən istifadədə olan kanalizasiya boruları olduğundan müxtəlif vaxtlarda burada bir neçə dəfə bənzər hal baş verib. Hazırda yolun çökmüş hissəsindən keçən 600 mm-lik dəmir-beton borularda qəzalı olan hissənin yenilənməsi üçün tədbir görülür”, - qurumdan bildirilib.
Saat 14:57
İnşaatçılar qəsəbəsində yol çöküb. Bu haqda Sumqayıt24 bu gün, 27 may tarixində xəbər verir.
Məlumata əsasən, hadisə Kamran Hüseynov küçəsində baş verib. Əraziyə giriş qismən məhdudlaşdırılıb. Buraya xüsusi texnika cəlb edilib. Hazırda təmir işləri aparılır.
