Sumqayıt şəhərinin bəzi küçələrində piyadaların təhlükəsiz hərəkəti təmin edilməyib. Bu haqda bu gün, 5 may tarixində Sumqayıt24 xəbər verir.
Söhbət Bakı küçəsi, 40 və 41-ci məhəllələri ayıran yeganə yoldan gedir. Burada piyadalar üçün nəzərdə tutulmuş yolda "zebra" yoxdur.
Ərazi piyada və avtomobillərin xüsusilə sıx hərəkət etdikləri yerdir. Yaşayış kompleksinin önündə 6, 7, 33 və 39 nömrəli marşrutlar üzrə avtobuslar dayanır.
Bundan əlavə, bu hal Koroğlu prospektində və N. Nərimanov küçəsində müşahidə olunur. Belə ki, Koroğlu küçəsində sakinlərin yolu rahat keçməsi üçün piyada yolu düzəldilib. Lakin burada xətlənmə aparılmayıb. [modula id="14486"]
