Sumqayıtda yerləşən evlərə qaz il boyu aşağı təzyiqlə verilir. Bu hal ilə bağlı Sumqayıt24-ə şəhərin sakinləri müraciət ediblər.
Bəhs etdiyimiz problem ən çox 2, 4, 5, 9, 10 və 11-ci mikrorayonlar, Corat qəsəbəsi, “Xəzər bağları” və “Stansiya Sumqayıt” yaşayış massivlərində müşahidə olunur. Sakinlərin sözlərinə görə, qaz təchizatı gün ərzində cəmi 2-3 saat normal olur. Bu isə gündəlik işlərin görülməsində çətinlik yaradır.
Qeyd olunub ki, məsələ ilə bağlı dəfələrlə “Azəriqaz”-a müraciət olunsa da, problem həllini tapmayıb.
