“Saray körpüsü” qəzalı vəziyyətə düşüb. Bu haqda 26 iyul tarixində Sumqayıt24 xəbər verir.
Sözügedən körpü Saray qəsəbəsi ilə Sumqayıtı birləşdirir. Bu yolda hər gün minlərlə avtomobil hərəkət edir. Lakin körpüdən istifadə edənlər üçün təhlükə yaranıb. Belə ki, burada böyük dəlik, ətrafında isə çatlar əmələ gəlib. Həmçinin onun altından dəmir yolu xətti keçdiyinə görə təhlükə ikiqat artır.
Sumqayıt şəhər icra hakimiyyətinin sözcüsü Eyvaz Qocayev məsələ ilə bağlı BakuTV-yə açıqlama verib. Onun sözlərinə görə, körpüyə baxış keçirilib və qısa müddət ərzində müvafiq tədbirlər görüləcək.
