Saray qəsəbəsinin küçələri işıqlandırılacaq. Bu barədə 3 dekabr tarixində Sumqayıt24 xəbər verir.
Bu istiqamətdə işlər Mirzə Ələkbər Sabir və Vəli Axundov küçələrində aparılır. Məlumata görə, “Bakı Abadlıq Xidməti”nin əməkdaşları tərəfindən yol boyunca yeraltı kabel xətləri çəkilir. Gələn ilin ilk aylarında ərazidə işıq dirəkləri quraşdırılacaq.
Qəsəbənin Heydər Əliyev küçəsi də gecələr zülmət içində olur. Burada işıq dirəkləri olsa da, onlar qoşulmur. Bu isə yerli sakinləri və “Saray yolu” ilə gedən sumqayıtlıları təhlükəyə atır.
İşıq İdarəsi məsələ ilə bağlı açıqlamasında bildirib ki, orada olan dirəklərin qoşulub-qoşulmaması Abşeron rayon İcra Hakimiyyəti və Saray qəsəbə Bələdiyyəsinin səlahiyyətindədir.
