Sumqayıtın "Qurd dərəsi" deyilən yaşayış massivinin həllolunmaz problemləri yerli sakinləri artıq təngə gətirib.
Mia.az-ın məlumatına görə, sözügedən yerdə dayanacaqlar bərbad gündədir.
Yerli sakinlər bildirirlər ki, 10 mindən çox insanın yaşadığı yaşayış massivindəki dayancaqlara heç üçüncü dünya ölkələrində belə rast gəlmək mümkün deyil:
"Sizə dayanacaqların bəzilərinin fotolarını göndəririk. Xahiş edirik, baxın, yayın bu fotoları. Bəlkə ictimailəşdikdən sonra yerli məmurlar utana, bir tədbir görərlər. Əslində, ölkənin üçüncü böyük şəhəri sayılsa da, fakt budur ki, sürətlə artan əhali və inkişaf edən sənayesi ilə ikinci şəhər statusunda olan Sumqayıta belə dayanacaq yaraşırmı? Ayıb deyil?!
Diqqət edin bu şəkillərə, burada yol və nəqliyyat problemini də görmək o qədər çətindir ki?"
Sakinlər aidiyyatı qurumlardan əraziyə baxış keçirilməsini və problemin həll edilməsini tələb edirlər.
