"Stansiya Sumqayıt" yaşayış massivinin sakinlərini narahat edən problemlərlə bağlı açıqlama verilib. Sumqayıt24 bu haqda APA-ya istinadən xəbər verir.
Əhalisi 10 mindən çox olan massivdə yollar pis vəziyyətdədir, kanalizasiya sistemi yoxdur. Həmçinin sakinlər yaxınlıqda aptekin olmamasından narazıdır.
Sumqayıt şəhər İcra Hakimiyyətindən bu məsələ ilə bağlı bildirilib ki, aparılan abadlıq-quruculuq işləri çərçivəsində sözügedən ərazinin problemləri də öz həllini tapacaq.
