Sumqayıt 9-cu mikrorayonun bir hissəsində səkilərin olmaması sosial şəbəkələrdə müzakirə mövzusudur. Sumqayıt24-ün müxbiri sözügedən ərazidə olub.
Beləliklə, Araz marketin arxa tərəfindəki yolda piyadalar üçün nəzərdə tutulan səkilər yoxdur. Sakinlər yolun hərəkət hissəsindən getməli olurlar.
"Yolda səkilərin olmaması hərəkət etməkdə çətinlik yaradır. Yolla gedən zaman hər dəfə geriyə çönüb baxmalı oluruq ki avtomobil gəlir ya yox. Səki çəkilməsini xahiş edirik",- vətəndaşlardan biri bildirib.
"Bu yolda çoxlu maşın hərəkət edir və səkinin olmaması işimizi çətinləşdirir", - deyə sosial şəbəkə istifadəçisi bildirib.
