Sumqayıt şəhəri 9-cu mikrorayon ərazisində olan binalardan birinin girişi qəzalı vəziyyətdədir, zirzəmisi isə çirkab sularla doludur. Bu haqda Sumqayıt24-ə izləyici foto materiallar təqdim edib.
Belə ki, “Araz market”in arxasında yerləşən 25 nömrəli binanın girişindəki tavan dağılmış vəziyyətdədir. Sakinlərin dediyinə görə, onu möhkəmləndirmək üçün altına dəmir dirək qoyulsada, güclü külək zamanı oradan daşlar qoparaq yerə düşür. Bu səbəbdən, onlar blokdan qorxa-qorxa çıxırlar.
Həmin binanın digər problemi isə orada yaranmış antisanitar vəziyyətdir. Məlumata görə, binanın zirzəmisində aylarla yığılan su təmizlənmir və buna görə bütün bloku xoşagəlməz qoxu bürüyüb.
