“Sumqayıt Bağça Şəhər” yaşayış kompleksinin sakinləri tərəfindən Sumqayıt24-ə çox sayda şikayət daxil olub. Onlar, “zebra”-ların kompleksdən uzaq məsafədə olmasından narazıdır.
Vətəndaşların sözlərinə görə, bu səbəbdən insanlar, ən əsas da uşaqlı analar, xəstə və yaşlılar müəyyən çətinliklərlə üzləşirlər. Məsələ ilə bağlı "Siqnal" İxtisaslaşdırılmış Layihə-İstehsalat İdarəsi ilə əlaqə saxladıq.
Bildirildi ki, sakinlər, ilk öncə Baş Dövlət Yol Polis İdərəsinə müraciət etməli, qurumun əməkdaşları tərəfindən isə əraziyə müvafiq baxış keçirilməlidir. Zərurət yarandığı halda yolun müvafiq hissələrində nişanlanma işləri aparılacaq.
