Sumqayıt şəhər sakinləri uşaq arabası ilə bulvara getməkdə çətinlik çəkirlər. Bu haqda bu gün, 18 iyun tarixində Sumqayıt24 xəbər verir.
Yay mövsümünün gəlməsi ilə əlaqədar Sumqayıt bulvarına gedən qonaqların və sakinlərin sayında artım müşahidə olunur. Buraya arabalarla üz tutan vətəndaşlar isə problemlə üzləşirlər. Səbəb isə uzunluğu 50 metrə çatan pilləkənlərin birində pandusun olmaması, digərində isə maili müstəvinin yarıya kimi düzəldilməsidir.
“Hər dəfə bulvara körpə ilə gələndə yoldaşımla köməkləşərək arabanı qaldırıb düşürürük. Bu isə olduqca təhlükəlidir. Üstəlik araba da ağırdı. Bəs əlil arabası ilə olanlar nə etsin?” - deyə oxucu bildirib.
Bu problem bir neçə ay öncə işıqlandırılsa da, vəziyyətdə hələ də heç bir dəyişiklik olmayıb.
