Xəbər verdiyimiz kimi, Sumqayıt bulvarında avtomobil qəzası yanğınla nəticələnib.
Belə ki, gecə saatlarında yol-nəqliyyat hadisəsi ciddi fəsadlara səbəb olub.
Hadisə zamanı "Toyota Prius" və "Kia Optima" markalı nəqliyyat vasitələri bir-birinə çırpılıb. Toqquşmadan sonra "Toyota Prius" alovlanaraq tamamilə sıradan çıxıb.
Qəza zamanı hər iki sürücü xəsarət alıb.
Sumqayit24.az-ın sorğusuna TƏBİB-dən bildirilib ki, 12.01.2026-cı il tarixində saat 23:50 radələrində Sumqayıt Tibb Mərkəzinin Təcili Tibbi Yardım Xəstəxanasına 2 nəfər (kişi) hospitalizasiya olunub:
"Müxtəlif bədən xəsarətləri alan şəxslərə Təcili tibbi yardım şöbəsində zəruri tibbi xidmətlər göstərilib. Hazırda müalicələri davam etdirilir, vəziyyətləri stabildir".
