Sumqayıt cüdoçuları yüksək nəticələr göstəriblər.
Sumqayit24.az xəbər verir ki, cüdo üzrə 17 yaşadək yeniyetmələr arasında Azərbaycan birinciliyi start götürüb.
Abşeron Olimpiya İdman Kompleksində baş tutan yarışın ilk günündə 177 cüdoçu 6 çəki dərəcəsində mübarizə aparıb.
Qızlar arasında 40, 52, 70, oğlanlarda isə 50, 66 və 90 kq çəki dərəcələrində mükafatçılar müəyyənləşib.
Qeyd edək ki, dörd gün davam edəcək ölkə birinciliyinə 89 klub və idman cəmiyyətindən 495 cüdoçu qatılıb.
Sumqayıtdan olan ilk günün mükafatçılarını təqdim edirik.
Qızlar arasında keçirilən yarışda Yağmur Əhmədzadə (Neftçi Sumqayıt, 52 kq) ikinci yerə, Ləman Niftəliyeva (Sumqayıt şəhəri 2 nömrəli UGİŞM, 40 kq), Məleykə Mürsəliyeva (Neftçi Sumqayıt,52 kq), Sümeyya Nuriyeva (Sumqayıt şəhəri İOEUGİM, 70 kq) üçüncü yerə layiq görülüb.
Oğlanlardan Nihad Ağayev (Sumqayıt şəhəri 1 nömrəli İOEUGİŞM, 50 kq) birinci yerin, Rəvan Məmmədli (Sumqayıt şəhəri 2 nömrəli UGİŞM, 50 kq) isə üçüncü yerin mükafatçısı olub.
